بســــــــــــــم الله الرحمن الرحيم
السلام عليكم
سالت نفسك قبل كدة رمضان بالنسبة لك اية؟؟!
استنا....متستهيفش السؤال...ولاتبصلة نظرة انه مر عليك قبل كدة...
ممكن كدة ترجعلة وتبصلة؟طب فكر فى معناه حبة صغيرة؟
خلاص فكرت؟
طب قولى بقا رمضان بالنسبة لك اية؟
يا ترى فى قناة فضائية حجزتك؟ ولا انت وقف لله فى الشهر ده؟
ياترى انت بتسيب الاكل والشرب؟
طب بتسيب حاجات تانية كتير انت عارف انها غلط وصحابك قالولك انها غلط
بس انت مصمم عليها؟
طب يالى مش بترضى ابوك وامك حتبطل تاكل وتشرب وحتفضل سبب حزن والديك فى الحياة؟
طب يالى بتشرب سجاير حتصوم عن الاكل والشرب وبعد المغرب حتعمل حاجة بتغضب ربنا وهى شربك للسجاير؟
طب يالى شغلتك فى الحياة انك تقول فلان قال على فلان كذا ودى عملت ودى سوت حتخلى معدتك تصوم طب ولسانك؟
طب يالى...طب يالى....حاجات كتير غلط...وكلنا عارفين انها غلط....ومع ذلك
مش قادرين نصوم صح؟
تاكد وتاكدى ان ربنا لما فرض الصيام مكانش عاوزك بس تجوعى وتعطشى
بل كان عاوز يقوم سلوكنا..كان عاوز الى افسدته الايام طوال السنة من اخلاقنا
نيجة نحاسب نفسنا ونصلح الى اتكسر من اخلاقنا...
طب معلش حرزل عليكو شوية واسال سؤال كمان...ممكن؟؟اكيد طبعا كلة موافق
انت حتصوم صح؟وحتصلى؟وحتختم القرءان؟والنوافل؟ والتراويح؟
طب السؤال بقا تعرف منين ان ربنا قبل منك رمضان السنة دى؟؟؟؟
يعنى بعد رمضان ما يخلص امتا تقول الحمد لله رمضان اتقبل منى؟
ومحدش يقولى محدش يقدر يعرف؟ انا اقولك
1.انت يالى كنت بتشرب سجاير بس عاهدت انك تبطل من اول رمضان وتقول يارب انا سبت السجاير علشانك فاقبل منى رمضان
2.انت او انتى يالى كنتو كتير بتتنرفزوا مع والدكو ووالدتكو وعدتوا نفسكوا تراعوا ربنا من اول رمضان وتعاملوهم معاملة كريمة وقولتو حنعمل كدة علشانك يارب فاقبل مننا رمضان
3.انتى يالى كنتى بتلبسى لبس لايليق بدينك ولابمجتمعك وانتى عارفة ومصممة
وقولتى يارب انا من اول رمضان حلتزم علشانك يارب فاقبل منى رمضان
هما دول الى يعرفوا ان ربنا قبل منهم رمضان
وأنت...وأنت...وانتى...وانتى..وأنا
كل واحد فينا عارف هو عندة اية غلط
واية عاوز ترميم
وإيه عاوز يتزرع من جديد
صدقني وصدقوني مش حتلاقى فرصة أحسن من دي
مش حتلاقى نفحات ربانية اكتر من الشهر ده
أما
من خرج من رمضان كما دخل فيه
فلا أجد شيئا أقوله سوى حديث الرسول
"خاب وخسر من أدرك رمضان ولم يغفر له"
وأقول في النهاية
اللهم اجعل رمضان شهر خير ورحمة وتوبة ومغفرة
ورجوع إلى الله
على كل مسلم ومسلمة
و
كل عام وانتم بخير
منذ /09-14-2009, 01:27 PM
رمضان مش بس كلام
العرض العادي
